El-tryggleik for privatkundar

Du er ansvarleg for at det elektriske utstyret og dei installasjonane du har i huset vert brukt rett og er i god stand. Er du usikker på om bustaden din har ein god nok el-tryggleik, ta kontakt med det lokale eltilsynet ved det lokale elverket, eller ein autorisert elektroinstallatør.

Enkle tiltak som betrar eltryggleiken:

• Bruk ikkje lause lamper og frittståande varmeomnar på barnerom eller i rom der det er lause husdyr.

• Tørk ikkje kle på elektriske omnar.

• Slå av kokeplater etter bruk,  bruk tidsbrytar om du har lett for å gløyme.

• Monter rikeleg med stikkontakter. Lause dobbeltkontakter og andre provisoriske løysingar gjev dårleg tryggleik.

• Utfør ikkje arbeid sjølv som krev autoriserte fagfolk.

• Bruk aldri sterkare lyspærer enn det lampa er berekna for.

• Trekk ut støpselet på termostatstyrte elektriske apparat som ikkje er i bruk.

• Er sikringar, koplingsboksar, støpsel eller brytarar unormalt varme, kan det tyde på overbelasting. Ta då kontakt med ein elektroinstallatør.

• Gamalt elektrisk utstyr kan vere brannfarleg og bør kastast.

  
  For meir informasjon kan du gå inn på www.etrygg.no.