Rekorddeltaking på karrieremesse i Bergen
18.02.2010
Den siste av Framtidsfylket sine tre karrieremesser vart arrangert i Grieghallen i Bergen. Med 53 stands, 140 personar på stand og 550 besøkande må dette seiast å vere ei rekorddeltaking!
Talet på besøkande og antal stands har auka jamnleg sidan ein byrja å arrangere slike messer, og messene har etterkvart blitt ein etablert møteplass for bedrifter og personar med tilknyting til Sogn og Fjordane. Dagleg leiar i Framtidsfylket, Anne Van Oorschot, har gjort ein kjempejobb med å marknadsføre karrieremessene, satsinga på traineestilling i Framtidsfylket, og ikkje minst den nye portalen www.framtidsfylket.no.
Messa i Bergen vart arrangert i beste OL-tid, og til glede for mange besøkande stilte Stian Grimseth opp med TV og direktesending frå OL på standen til Gravdal Bygg.
SFE har møtt mange interesserte studentar og arbeidstakarar på Framtidsfylket sine messer. Mange flinke folk ønskjer seg heim til Sogn og Fjordane, og vi håpar å sjå meir til fleire av dei vi har snakka med i Oslo, Trondheim og Bergen. Vi legg no ut informasjon om ledige stillingar, traineestillingar, sommarjobbar, oppgåveskriving og meir på jobbsidene til SFE!