Status SFE Nett sitt område 30.12

Det er fredag 30. desember ingen kundar i SFE sitt nettområde som er utan straum som følgje av høgspentfeil. Det vil framleis kunne vere feil i lågspentnettet som fører til at enkelthusstandar eller -bygg ikkje får straum. Vi oppmodar dei som opplever dette om å ta kontakt med oss, slik at vi får oversikt over feil i området.

Både eigne mannskap og innleigde ressursar arbeider framleis for fullt etter uvêret, og vi tek fatt i dei innrapporterte feila så snart det let seg gjere. Med omfattande reparasjonar og arbeid i nettet vil ein framleis kunne oppleve noko ustabilitet, og at straumen kan kome og gå i ein periode. Dette vil betre seg etter kvart som fleire av feila blir reparerte.