Stig Svalheim blir administrerande direktør i Vestavind Kraft AS

Stig Svalheim (37) er tilsett som administrerande direktør i Vestavind Kraft AS. Han har vore konsitituert i stillinga sidan januar i år. Svalheim har jobba i Vestavind Kraft sidan 2009, og før han kom til selskapet var han avdelingsleiar for offshore vindkraft i Lyse Energi.

- Vi er glade for at Stig Svalheim har takka ja til å leie Vestavind Kraft, seier styreleiar i selskapet, Ketil Konglevoll. Svalheim har gjennom den tida han har vore konstituert direktør vist at han er rett person til å leie selskapet si satsing på landbasert vindkraft på vestlandet.

- Eg ser fram til å fortsetje arbeidet med å utvikle Vestavind Kraft vidare, seier Stig Svalheim. Vindkraft som fornybar energi er i sterk vekst, og vi skal utvikle gode prosjekt for framtida.

Vestavind Kraft vart oppretta i 2005 for å utvikle, bygge og drive vindkraftanlegg. Bak Vestavind Kraft står energiselskapa i Vestlandsalliansen, representert ved Tafjord Kraftproduksjon AS, SFE Produksjon AS, Sunnfjord Energi AS, Sognekraft AS, BKK Produksjon AS, SKL Produksjon AS og Haugaland Kraft AS.

Kontaktpersonar:

Ketil Konglevoll, styreleiar i Vestavind Kraft AS
Tlf: 55 12 74 06    Mobil: 906 82 241

Stig Svalheim, administrerande direktør i Vestavind Kraft AS
Tlf: 57 88 37 02    Mobil: 404 37 494