Kvifor bli eit Miljøfyrtårn?
Erfaring syner at sertifiserte bedrifter sparer driftsutgifter ved miljøhandling. Bedrifta får ein tydeleg miljøprofil og kan dokumentere miljøvennleg drift. Dette kan gje konkurransefortrinn som til dømes at ein står sterkare i anbodsrunder/kontraktforhandlingar. Fleire og fleire etterspør miljøvennleg drift.
Bedrifta får ei god miljøleiing med rutinar for avfall, energi, innkjøp osv. Ein vil få ei miljøeffektiv drift med høgare verdiskaping, mindre miljøbelastning, mindre avfall og redusert energibruk. Bedrifta oppfyller og rekneskapslova sitt krav om miljørapportering.
Miljøfyrtårn-sertifiserte bedrifter som seinare vil gå vidare mot andre sertifiseringar, som til dømes ISO 14 001, har eit svært godt grunnlag for dette.