Oppfølging av energibruk

Systematisk og målretta oppfølging av energibruk er det første og viktigste tiltaket som bør innførast i alle bygg.

Eit godt system for oppfølging av energibruk (EOS) vil gi nødvendig kunnskap om bygget, bidra til optimal drift og sikre tidleg avdekking av feil og avvik på teknisk anlegg. Dette gjev typisk 10% reduksjon i energibruken.

Vi har lang erfaring med innføring av energioppfølging hos våre kundar. Vi har malar og system for både manuell og nettbasert oppfølging, og gjev nødvendig opplæring og rettleiing til dei tilsette i organisasjonen.