Energi- og klimaplan
Ved å utarbeide ein eigen kommunedelplan for energi, klima og miljø får kommunen ein reiskap for å sikre heilskapsomsyn i alle saker som vedrører energi, klima og miljø i kommunen. Dette gjeld først og fremst innanfor kommunen sin eigen aktivitet, men gjev og rom for å påverke både næringsliv og privathushald elles.
Planen vil normalt definere eit felles vurderingsgrunnlag og viktige prioriteringar, og skal fungere som støtte for sakshandsaming og vedtak i aktuelle saker. Ein etablert og akseptert plan bidreg på denne måten til mindre debatt og enklare sakshandsaming som resultat av at ein slepp ny diskusjon rundt vurderingsgrunnlag og prioriteringar i alle saker.
Vi har etablert ein mal for planarbeidet som tar utgangspunkt i den lokale energiutgreiinga, offentleg klimastatistikk og lokale prioriteringar. Malen er utforma slik at den høver inn i Enova sine rammer for energi- og klimaplanar.